ફીકા પીળા રંગનાં ફૂલ ધરાવતું નાના કદનું આ વૃક્ષ ખુલ્લા જંગલ તેમજ પડતર જમીનમાં જોવા મળે છે. તેનાં પાન બીડી બનાવવામાં વપરાય છે.

બહાર (દેશ) નું મધ્યમ કદનું વૃક્ષ છે. મુખ્ય થડ માંથી ઘણી ડાળીઓ નીકળે છે. તેનું લાકડું બળતણ, ખેતીના ઓજારો તથા વાડ બનાવવામાં વપરાય છે. તેની ફળી ઘેટાં બકરાંના પાલા તરીકે વપરાય છે. રણ વિસ્તારમાં રણને આગળ વધતું અટકાવવા માટે ઉછેરવામાં આવે છે.

પથ્થર અને ખડક વાળા વિસ્તાર તેઁમજ ટેકરીઓ ઉપર જોવા મળતું મોટા કદનું વૃક્ષ છે. પાંદડાં પડી ગયા પછી થડ તથા ડાળીઓ સફેદ કે, ગુલાબી રંગની જોવા મળે છે. ચકરડા જેવા આકારમાં છાલ ઉતરે છે. તેનો ગુંદર, કડાયાગમ તરીકે ઓળખાય છે અને કાપડ તેમજ અન્ય ઉદ્યોગમાં વપરાય છે. તેનું લાકડું હલકા પ્રકારનું બળતણ છે.

જંગલ તેમજ પડતર જમીનમાં ગામ તેમજ નાળા નજીક જોવા મળતું ગ્રેકલરની છાલ વાળું મોટા કદનું વૃક્ષ છે. છાયા વાળા વૃક્ષ તરીકે ઉછેરવામાં આવે છે. તેનું લાકડું મકાન બાંધકામ, ગાડાં તેમજ ખેતીનાં ઓજારો બનાવવામાં વપરાય છે. લાકડા ઉપર કોતર કામ થાય છે.

મધ્યમ કદનું, નદી નાળાં કે ભેજવાળી જગ્યાએ જોવા મળતું, ચળકાટવાળાં લીલાં પાન ધરાવતું, ઝડપી ઉગનારું વૃક્ષ છે. તેનુ લાકડું બોબીન અને રમત ગમતનાં સાધનો બનાવવામાં તથા તેનાં પાન પાલા તરીકે વપરાય છે. તેના મુળમાંથી આંખ તથા ચામડીના રોગની દવા બનાવવામાં આવે છે. તેના બીજમાંથી અખાદ્ય તેલ મળે છે. જે ચર્મ-ઉદ્યોગ, સાબુ, મીણબત્તી તેમજ દવા બનાવવામાં વપરાય છે. તેના બીજનો ખોળ ખાતર તરીકે, ઢ઼ોર-દાણ તરીકે તથા જંતુનાશક તરીકે વપરાય છે.

જંગલ તેમજ પડતર જમીનમાં જોવા મળતું, આછા લીલા રંગની છાલ ધરાવતું મોટા કદનું વૃક્ષ છે. ઉખડેલી છાલ વાળી જગ્યાએ સામાન્ય છીછરો ખાડો હોય છે. તેનું લાકડું મકાન બાંધકામ, બોબીન બનાવવા તેમજ સંઘેડા વડે ઘાટ કામ કરવાના કામમાં વપરાય છે.